Experiment ಚಿಗಳಿ

 Experiment          :   ಚಿಗಳಿ ತಯಾರಿಸುವುದು.

 Time                    :  ಪ್ರೈಮರಿ , ಹೈಸ್ಕೂಲು ಶಾಲೆಯ  ಬೇಸಿಗೆ  ರಜಾ ದಿನಗಳು.

 Aim                   :   ಸಿಕ್ಕಾಪಟ್ಟೆ ರುಚಿಯಾದ ಚಿಗಳಿ ತಯಾರಿಸುವುದು ಮತ್ತು ತಿನ್ನುವುದು.

Apparatus         :   ಕುಟ್ಟಣಿ  ಅಥವಾ  ಪುಟ್ಟ ರುಬ್ಬುವ ಕಲ್ಲು , ಹೊಸಾ  ಪೊರಕೆಯ 3-4 ಕಡ್ಡಿಗಳು      ( ಹೊಸ ಪೊರಕೆ ಇಲ್ಲದಿದ್ದರೆ ಅಮ್ಮ ಅಂಗಳವನ್ನು ಗುಡಿಸುವ ಪೊರಕೆಯ  ಕಡ್ಡಿಯನ್ನೇ ತೆಗೆದು ಸ್ವಚ್ಛವಾಗಿ ತೊಳೆದುಕೊಳ್ಳತಕ್ಕದ್ದು. )

Ingredients       : ಚೊಕ್ಕ ಮಾಡಿದ ಹುಣಸೇ ಹಣ್ಣು, ಹಸಿ ಮೆಣಸಿನಕಾಯಿ , ಬೆಲ್ಲ, ಉಪ್ಪು, ಇಂಗು    ಮತ್ತು ಬೆಳ್ಳುಳ್ಳಿ (optional)

Google Image

People Involved:  ರಜಕ್ಕೆಂದು ಮನೆಗೆ ಬಂದ ನೆಂಟರ ಮಕ್ಕಳು, ಮತ್ತು ಮನೆಯಲ್ಲಿರುವ ತರಲೆ  ಸೈನ್ಯ.             

Time                     : ಮಧ್ಯಾಹ್ನ ಊಟದ ಕಾರ್ಯಕ್ರಮ ಮುಗಿದು ಮಲಗಿರುವ ಅಜ್ಜಿ,ಅಮ್ಮ, ಚಿಕ್ಕಮ್ಮ  ಎಲ್ಲರೂ ಸಣ್ಣ ನಿದ್ದೆ ಮುಗಿಸಿ ಏಳುವವರೆಗೆ...

 Procedure          :  ಹುಣಸೇ ಹಣ್ಣು,ಹಸಿಮೆಣಸಿನಕಾಯಿ, ಬೆಲ್ಲ ,ಉಪ್ಪು, ಇಂಗು,ಬೆಳ್ಳುಳ್ಳಿ  ಎಲ್ಲವನ್ನು ಪುಟ್ಟ ರುಬ್ಬೋ ಕಲ್ಲಿನಲ್ಲಿ ಹದವಾಗಿ ರುಬ್ಬುವುದು.ಅನಂತರ  ಆ  ರುಬ್ಬಿದ ಮಿಶ್ರಣದಿಂದ  ಚಿಕ್ಕ ಚಿಕ್ಕ ಉಂಡೆಯನ್ನು ಕಟ್ಟಬೇಕು. ಆ  ಉಂಡೆಗಳನ್ನು ಹಿಡಿಯ ಕಡ್ಡಿಗೆ ಸಿಕ್ಕಿಸಬೇಕು. ನಂತರ ಅದನ್ನು ಲಾಲಿಪಾಪ್  ತರ ಚೀಪಬೇಕು.

 

Precaution         : ಮೆಣಸಿನಕಾಯಿ ಜಜ್ಜುವಾಗ , ಜಜ್ಜುತಿರುವವರು ಮತ್ತು ಸುತ್ತಲೂ ಕುಳಿತಿರುವರು ಕಣ್ಣು ಮುಚ್ಚಿಕೊಳ್ಳತಕ್ಕದ್ದು.

Conclusion        : ಖಟ್ಟಾ,ಮೀಠಾ,ತೀಖಾ,ನಮ್ಕೀನ್ ಚಿಗಳಿ ಸೂಪರ್ ಟೇಸ್ಟಿಯಾಗಿರುತ್ತದೆ.

Error                   : ಮೆಣಸಿನಕಾಯಿ ಖಾರ ಜಾಸ್ತಿಯಾಗಿದ್ದಲ್ಲಿ ಚಿಗಳಿಯನ್ನು ಸವಿಯುವಾಗ        ಕಿವಿಯಲ್ಲಿ ಬೆಂಕಿ ಹೊತ್ತಿಕೊಂಡಂತಾಗುತ್ತದೆ. ಒಂಥರಾ   ಬಿಸಿಗಾಳಿ ಕಿವಿಯಿಂದ ಹೊರಬಂದ                   ರಭಸಕ್ಕೆ ಅಕ್ಕಪಕ್ಕ ಕುಳಿತಿರುವವರ  ಗಲ್ಲ  ಸುಟ್ಟುಹೋದರೂ ಆಶ್ಚರ್ಯವಿಲ್ಲ!!...

                                                                                 

(ಜೂನ್ 2012  ರಲ್ಲಿ  ಬರೆದದ್ದು)